د فراه لوړو زدهکړو مؤسسې ته د ښوونې او روزنې پوهنځي رئیس، استادانو او محصلینو د علمي سیر سفر!
د ښوونې او روزنې پوهنځي رئیس، یو تعداد استادانو او محصلینو د علمي سیر په موخه فراه ولایت ته سفر وکړ.
د سفر په لومړۍ ورځ د نیمروز لوړو زده کړو مؤسسې د ښوونې او روزنې پوهنځي رئیس، استادان او محصلینو د فراه لوړو زدهکړو مؤسسې له رئیس او د ښوونې او روزنې پوهنځي له رئیس سره جلا جلا کتنې ترسره کړې چې د فراه لوړو زدهکړو مؤسسې د رهبرۍ له لوري د نیمروز د ښوونې او روزنې پوهنځي څخه راغلو میلمنو ته تود هرکلی وویل شو او د دوه اړخیزو همکاریو ژمنه یې وکړه.
هیره دې نه وي چې د نیمروز لوړو زده کړو مؤسسې او د فراه لوړو زدهکړو مؤسسې او همدا رنګه د دواړو علمی نهادونه د ښوونې او روزنې پوهنځيو ترمنځ د همکارۍ هوکړه لیکونه لاسلیک شوي دي.
